Sunday, May 15, 2011

صفر اليدين

في وسط الضحكات والحديث المرح عن الأحلام اللامعقولة لكل منهم، شردت البنت قليلا وقالت:
"عارفين بقى أنا ايه الحلم اللي بحلمه وبيتكرر من زمان أوي؟ .. أنا بحلم انّي بروح في مكان، مش ثابت بيتغير كل مرة، بس وأنا هناك بتحصل مشكلة في الجزمة، مرّة أنساها .. مرّة تتسرق .. مرّة تتقطع .. ومرّة قلت انّها مش لايقة على اللبس .. المهم انّي في كل مرّة برجع حافية من هناك .. وببقى خايفة أوي للناس تشوفني وأنا حافية .. بس دايما بصحى من النوم قبل ما أوصل" ..
بان انزعاج على وجه الأم .. نظرت لها الإبنة بتساؤل فبادرتها الأم بالسؤال: "ولسّه بتحلمي الحلم ده؟" ..
"آه .. لسّه حلمانة بيه من كام يوم .. هي حاجة وحشة؟" ..
"اتحقق مرّة .. مش قعدتي خمس سنين في كلية ورجعتي حافية ما معاكيش حاجة؟ .. مش عايزينه يتحقق تاني بقى .. "
شردت البنت بعيدا .. وقالت: "بس أنا بحلم بيه كتير أوي .." .. وتوجست من المستقبل الذي تتوقعه. ـ

2 comments:

  1. fola sham3a manwara :D:D:D:D

    ReplyDelete
  2. somaia .. seibih yetkarar b ra7to ..da ma3nah enk msh hatestameri f msar 3'alat .. 7ata lw kanet el natiga trawa7i 7afia :).. 3la allah ya 3asalia :)..missin ur writings

    Asmaa Mekkawy ;)

    ReplyDelete