Wednesday, September 8, 2010

عن العيد أحدثكم

قعدت افكّر أفكّر هعمل ايه العيد ده .. عايزة أقضّي عيد مُختلف
ولإن الشوارع بقت مكان لا يُمكن تقضية عيد ظريف فيه إطلاقا .. ففكرّت أعمل عيد بيتوتي كده

وهذه خطّة مُصغرّة كده

أولا هسمع عمرو دياب وفرانك سيناترا من ليلة العيد .. ولحد آخر اليوم الأوّل بعد كده مش شرط حاجة محددة

يوم العيد الصبح هاخد البلالين - اللي هشتريها من بكرة - وأوزعها على العيال في الشوارع .. وأصورّهم وهما فرحانين بالبلالين

هشتري وأنا مروّحة تلاتة كان شويبس ليمون وسوداني مش مملّح (ده عيد مش هنعذّب نفسنا ب الملح) .. وهخلّي حد يقشرهولي

هقرا ابراهيم أصلان وفؤاد حدّاد وأنا بسمع يانّي

وهكتب هكتب هكتب هكتب

وهعمل أي محاولة أنّي أروح لسلمى ونتفرّج على فيلم عندها .. أو أجيب العيال كُلّهم ونقعد نعمل بارتيتة في البيت ..
ونشرب مشروبات روحية :D

على بركة الله بقى .. إذا كان العيد مش ناوي يبقى حلو .. أنا هخلّي أبوه حلو بعون الله
ليه هو احنا شويّة في البلد مثلا؟

2 comments:

  1. كفاية عمرو دياب وسيناترا
    لا وكمان يانّي

    جربي معاهم آل مارتينو
    Al Martino

    ده في حالة مكنتيش عارفاه
    :D

    ReplyDelete
  2. enty ya 7aggaa!!
    w feen Nasr City wel-mohndseen??

    ReplyDelete